Ugoda we Wrocławiu w 1423 r. w sprawie zabójstwa

Eodem die (Freitag vor Joh. Bapt.) sent vor komen Niclas Sachewicz, Alexius Banke, Paschke Reynbabe und Stanke von Cadelaw und haben becant, das sie czwisschen Boze Mertin von Smolewicz an eyme und etwen Lorencz Copeschke von Poduschewicz kinder und Gregor Copeschken sein bruder am andern teile eynce gancze stcte vorrichtungne und entscheid gemacht haben von des totslages wegen, den vorczeiten der ygen. Boze Mertin an dem egen. Lorencz Copeschken begangen hat jn sulcher masse, das deselbe Boze Mertin des vorgn. Lorenczin kinder geben sal VI mr. gr. .... und sal lassen lesen durch selen selikeit willen dreisig selemessen, und in das totenbuch schreiben lassen und dorczu eyn steynen Crucze zu eyme gedechtnisse und sal dorzu geben czwe firtel Sweidinicz Bir den erbherren geben czwisschen den nehstkommenden sand Michels tag, und das domite alle sachen und schelunge von des vorgeschr. totslages wegen ganz und gar sullen henlegelet und vorrichtet sein der nymmer zu gedenken in keyner weise.